Xarróns OVO

Xarróns artesanais elaborados mediante a técnica rakú e modelados completamente a man no meu obradoiro en Galicia. As súas formas suaves e orgánicas evocan elementos da natureza, mentres que a cocción rakú crea unha rede de finas gretas e matices irrepetibles que fan única cada peza.

Durante a cocción, as pezas incandescentes extráense do forno e introdúcense en materia orgánica, provocando unha reacción que deixa sobre a superficie debuxos e tonalidades imposibles de repetir. O resultado é un diálogo entre o barro, o lume e o azar, que converte cada xarrón nun obxecto singular.

O conxunto pódese adquirir completo ou cada peza por separado.